കൈതപ്പൊയിലിൽ അടച്ചിട്ട വീട്ടിൽ കവർച്ച. സ്വർണവും, പണവും കവർന്നു

താമരശ്ശേരി: കൈതപ്പൊയിൽ നോളേജ് സിറ്റിക്ക് സമീപം അടച്ചിട്ട വീട്ടിൽ കവർച്ച.

കൈതപ്പൊയിൽ വേഞ്ചേരി ടി.കെ അബ്ദുള്ളയുടെ വീട്ടിലാണ് മോഷണം നടന്നത്. ഒരാഴ്ച മുമ്പ് വീട്ടുകാർ ഉംറക്ക് പോയതായിരുന്നു..

വിദേശ വെച്ച്  ഫോണിൽ വീട്ടുടമ CCTV പരിശോധന നടത്തിയപ്പോഴാണ്  ഇരുപതാം തിയ്യതി അർദ്ധരാത്രി മോഷണം നടന്നതായി അറിഞ്ഞത്.വീട്ടിലെ ചില ക്യാമറകൾ അടർത്തിമാറ്റുകയും, മറ്റു ചിലത് ദിശ മാറ്റുകയും ചെയ്തിട്ടുണ്ട്. വീടിൻ്റെ മുൻ ഭാഗത്തെ വാതിലും, ജനൽചില്ലും പൊളിച്ച് അകത്തു കടന്ന മോഷ്ടാവ് 

വീടിൻ്റെ താഴെ നിലയിലെ മുറികളിലെ അലമാറകളിലും, , കട്ടിലിലും സൂക്ഷിച്ച ഒരു ലക്ഷം രൂപയും, 7000 സൗദി റിയാലും, 2500 ഈജിപ്ഷ്യൻ പൗണ്ടും, 200US ഡോളറും, 3 പവൻ സ്വർണവും ഒരു ഐ ഫോൺ തുടങ്ങിയവയാണ് കവർന്നത്. 

മൊത്തം 4.5 ലക്ഷത്തോളം രൂപയുടെ മുതലുകൾ നഷ്ടപ്പെട്ടതായാണ് പ്രാഥമിക നിഗമനം. മോഷണം നടത്തിയ ഒരാളുടെ ദൃശ്യം ക്യാമറയിൽ പതിഞ്ഞിട്ടുണ്ട്.

കോടഞ്ചേരി പോലീസ് കേസെടുത്ത് അന്വേഷണം തുടങ്ങി. ഡോഗ് സ്കോഡും, ഫിംഗർപ്രിൻ്റ് ബ്യൂറോയും സ്ഥലത്തെത്തി.