2022ലെ പ്രസിഡന്‍ഷ്യല്‍ തെരഞ്ഞെടുപ്പില്‍ വെറും മൂന്ന് ശതമാനം മാത്രം വോട്ടുകളിലൊതുങ്ങിയ നാഷണൽ പീപ്പിൾസ് പവർ ആയിരുന്നു അനുര കുമാര ദിസനായകെ. 225 അംഗ പാർലമെന്‍റിലിപ്പോഴുമുള്ളത് 3 സീറ്റുകള്‍, അവിടെ നിന്നൊരു പവർഫുള്‍ തിരിച്ചുവരവ് എന്‍പിപിക്ക് നേടികൊടുത്തത് ഒരൊറ്റ നേതാവ്- എകെഡി എന്ന അനുര കുമാര ദിസനായകെ. അരനൂറ്റാണ്ടുകാല ചരിത്രത്തില്‍ കലാപങ്ങളുടെ രക്തക്കറ പുരണ്ട ജനതാവിമുക്തി പെരുമന പാർട്ടിയുടെ റീബ്രാന്‍ഡിംഗിന് കൂടിയാണ് ഈ അധികാരനേട്ടം . 2022ലെ ജനകീയ പ്രക്ഷോഭത്തിന് ശേഷം ജെവിപിയുടെ പ്രതാപം തിരിച്ചുപിടിക്കുന്നതിനുവേണ്ടി ദിസനായകെ നടത്തിവന്ന പ്രയത്നങ്ങള്‍ വിജയിച്ചെന്ന് തെരഞ്ഞെടുപ്പ് ഫലം പറയുന്നു.