മാന്നാറിലെ മുതിര്‍ന്ന പൗരന് 2.67 കോടി രൂപ നഷ്ടപ്പെട്ട സംഭവത്തില്‍ ആലപ്പുഴ സൈബര്‍ പോലിസ് രജിസ്റ്റര്‍ ചെയ്ത കേസിലാണ് മുഹമ്മദ് മിസ്ഫിര്‍ പിടിയിലായത്. വെണ്‍മണിയിലെ യുവാവിന് 1.3 കോടി നഷ്ടപ്പെട്ട സംഭവത്തില്‍ വെണ്‍മണി പോലിസ് സ്റ്റേഷനില്‍ രജിസ്റ്റര്‍ ചെയ്ത കേസില്‍ തന്റെ മാതാവിന്റെ അക്കൗണ്ടിലൂടെ ലക്ഷങ്ങള്‍ പിന്‍വലിപ്പിച്ച് തട്ടിപ്പുകാര്‍ക്ക് കൈമാറിയതിനാണ് ജാബിര്‍ അറസ്റ്റിലായത്.
ജാബിറിനെ ചെങ്ങന്നൂര്‍ ജ്യുഡിഷ്യല്‍ ഫസ്റ്റ്ക്‌ളാസ് മജിസ്‌ട്രേറ്റ് ഒന്നാം കോടതിയിലും മിസ്ഫിറിനെ ആലപ്പുഴ സിജെഎം കോടതിയിലും ഹാജരാക്കി. ഇരുവരെയും 14 ദിവസത്തേക്ക് റിമാന്‍ഡ് ചെയ്തു.