കൊയിലാണ്ടി-എടവണ്ണ സംസ്ഥാന പാത;ഉപരിതലം വ്യാപകമായി താഴ്ന്നു, ഇരുചക്രവാഹനങ്ങൾ അപകടത്തിൽപ്പെടുന്നത് പതിവായി

താമരശ്ശേരി: കൊ​യി​ലാ​ണ്ടി-​എ​ട​വ​ണ്ണ സം​സ്ഥാ​ന പാ​ത ന​വീ​ക​ര​ണ പ്ര​വൃ​ത്തിയിലെ അപാകത മൂലം റോഡിൻ്റെ ഉപരിതലം വ്യാപകമായി താഴ്ന്ന് ഇരുചക്രവാഹനങ്ങൾ അപകടത്തിൽപ്പെടുന്നത് പതിവാവുന്നു.. എരഞ്ഞിമാവ് മുതൽ കൊയിലാണ്ടി വരെയുള്ള ഭാഗത്ത് റോഡിൻ്റെ ഒരു വശത്ത് ചരക്ക് ലോറികളുടെ ടയർ പതിയുന്ന ഭാഗമാണ് താഴ്ന്ന് പോയത്. ഇതു കാരണമാണ്  ഇരുചക്രവാഹനങ്ങൾ പുളയുകയും, നിരന്തരം അപകടത്തിൽപ്പെടുകയും ചെയ്യുന്നത്.

 വളവുകളിൽ കുഴികളുടെ ആഴം കൂടുതലാണ്.

 കി​ലോ​മീ​റ്റ​റി​ന് നാ​ലു​കോ​ടി​യി​ല​ധി​കം മു​ട​ക്കി​യാ​ണ് ന​വീ​ക​രണം നടത്തിയത്, പ്രവൃത്തി നടക്കുന്ന സമയത്തു തന്നെ വ്യാപക പരാതി ഉയർന്നതാണ്. അ​ശാ​സ്ത്രീ​യ​മാ​യ നി​ർ​മാ​ണ​മാണ് റോഡ് കുഴിഞ്ഞ് പോകാൻ കാരണം.

താമരശ്ശേരിക്കും എ​ര​ഞ്ഞി​മാ​വി​നു​മി​ട​യി​ലു​ള്ള ഭാ​ഗം സം​ബ​ന്ധി​ച്ചാ​ണ് ഏ​റ്റ​വും കൂ​ടു​ത​ൽ പ​രാ​തി ഉ​യ​ർ​ന്നി​രി​ക്കു​ന്ന​ത്.

അതേ പോലെ ഓവുചാൽ നിർമ്മാണവും അ​ശാ​സ്ത്രീ​യ​മാ​യാണ്.

ഓവുചാൽ നി​ർ​മാ​ണം, പ്ര​വൃ​ത്തി​യു​ടെ ഗു​ണ​നി​ല​വാ​ര​ക്കു​റ​വ്, അ​ശാ​സ്ത്രീ​യ​മാ​യി റോ​ഡ് ഉ​യ​ർ​ത്തി​യ സ്ഥ​ല​ങ്ങ​ളി​ലെ വെ​ള്ള​ക്കെ​ട്ട്, ഗു​ണ​നി​ല​വാ​ര​മി​ല്ലാ​ത്ത നി​ർ​മാ​ണ സാ​മ​ഗ്രി​ക​ൾ ഉ​പ​യോ​ഗി​ച്ചു​ള്ള റോ​ഡ് നി​ർ​മാ​ണം, കോ​ൺ​ക്രീ​റ്റ് സ്ലാ​ബു​ക​ളു​ടെ ഉ​റ​പ്പു കു​റ​വും പൊ​ട്ട​ലും, ഉ​ൾ​പ്പെ​ടെ​യു​ള്ള പ​രാ​തി​ക​ളും നേ​ര​ത്തേ തന്നെ ഉയർന്നു വന്നതാണ്.

എന്നാൽ നിർമ്മാണ ചുമതലയുള്ള KSTP അധികൃതരും പൊതുമരാമത്ത് വകുപ്പും യാതൊരു നടപടിയും കരാറുകാർക്കെതിരെ സ്വീകരിക്കാൻ തയ്യാറായിട്ടില്ല.