കഴിഞ്ഞ അഞ്ച് വർഷകാലമായി കട്ടിപ്പാറ പഞ്ചായത്തിൽ പ്രവർത്തിക്കുന്ന ഈ സ്ഥാപനം ശുദ്ധ വായു ശ്വസിക്കാനും ശുദ്ധജലം ഉപയോഗിക്കാനുമുള്ള ജനങ്ങളുടെ മൗലികാവകാശത്തിനു മേൽ കടന്ന് കയറുകയാണ്. പ്രായമായവരും കുട്ടികളും വിവിധ രോഗങ്ങളിൽ അകപ്പെട്ട് കൊണ്ടിരിക്കുകയാണ്. രാത്രി സമയങ്ങളിൽ ഉണ്ടാകുന്ന രൂക്ഷമായ ദുർഗന്ധം സഹിക്കാനാവാതെ കഴിഞ്ഞ ദിവസങ്ങളിൽ ജനം അർദ്ധ രാത്രി തെരുവിലിറിങ്ങി സമരം ചെയ്തു. സ്ഥിതി ഗതികളുടെ ഗൗരവം അറിഞ്ഞിട്ടും സംസ്ഥാന സർക്കാർ മൗനം നടിക്കുകയാണ്.
പി.സി. ബിയുടെ പ്രവർത്തനാനുമതിയുടെ കാലാവധി കഴിഞ്ഞിട്ടും കൃത്രിമ രേഖകൾ ഉണ്ടാക്കി നീതി പീഠത്തെ പോലും തെറ്റിധരിപ്പിക്കാനുള്ള ശ്രമങ്ങളാണ് നടന്ന് വരുന്നത്.
ശക്തമായ ജനകീയ സമരങ്ങൾ നടക്കുമ്പോഴും പല ഉദ്യോഗസ്ഥരും ഭീമമായ തുക കൈകൂലി വാങ്ങി ഫ്രഷ് അധികൃതർക്ക് ഒത്താശ ചെയ്ത് കൊടുക്കുകയാണ്. ഇതിനെ ആര് അനുകൂലിച്ചാലും അവരുടെ കറുത്ത കരങ്ങളെ പുറത്ത് കൊണ്ട് വരും. ഫ്രഷ് കട്ട് സ്ഥാപനത്തിൻ്റെ പ്രവർത്തനാനുമതിയിൽ ആരുടെയൊക്കെ പങ്കുണ്ടെന്നും ഇതിൻ്റെ കർട്ടൻ്റെ മറവിൽ ഒളിഞ്ഞിരിപ്പുള്ള ദുഷ്ട ശക്തികളെ ആരൊക്കെയെന്നത് കണ്ടെത്തിയേ മതിയാകൂ ഈ വിഷയത്തിൽ ഡോ. എം.കെ. മുനീർ എം.എൽ.എ നിയമസഭക്കകത്തും പുറത്തും വലിയ ഇടപെടലാണ് നടത്തിയ ത്.എന്നാൽ സംസ്ഥാന സർക്കാർ വിഷയത്തെ കണ്ടില്ലെന്ന് നടിക്കുകയാണ്. അതുകൊണ്ട് തന്നെ വരും ദിവസങ്ങളിൽ ഇരകളെയുമായി വലിയ ബഹുജന സമരങ്ങൾക്ക് മുസ്ലിം ലീഗും എം.എൽ.എ യും നേതൃത്വം നൽകും. നേതാക്കൾ വാർത്താ സമ്മേളനത്തിൽ പറഞ്ഞു.
നാളെ താമരശ്ശേരിയിൽ നടക്കുന്ന പ്രതിഷേധ സംഗമത്തിൽ പാർട്ടിയുടെ സംസ്ഥാന ജില്ലാ നേതാക്കൾ പങ്കെടുക്കുമെന്നും മണ്ഡലം ഭാരവാഹികൾ പറഞ്ഞു.
വി.എം.ഉമ്മർ മാസ്റ്റർ
കെ. കെ.എ.കാദർ
പി.എസ്.മുഹമ്മദലി
അഷറഫ് തങ്ങൾ എന്നിവർ വാർത്താ സമ്മേളനത്തിൽ പങ്കെടുത്തു