ഉള്ളിയേരി:പ്രണയം നടിച്ച് വിവാഹ വാഗ്ദാനം നൽകി യുവതിയെ ബലാത്സംഗം ചെയ്ത കേസിൽ യുവാവ് അറസ്റ്റിൽ. കൊയിലാണ്ടി ഉള്ളിയേരി സ്വദേശി ആക്കുപൊയിൽ വീട്ടിൽ വിക്കി എന്ന വിഷ്ണുപ്രസാദിനെയാണ് പന്തീരാങ്കാവ് പൊലീസ് പിടികൂടിയത്. കോഴിക്കോട് പാലാഴിയിലെ ഫ്ലാറ്റിൽ ബലാത്സംഗം ചെയ്തെന്നാണു കണ്ണൂർ സ്വദേശിയായ യുവതിയുടെ പരാതി.
നഗ്ന വിഡിയോകൾ കാണിച്ചു ഭീഷണിപ്പെടുത്തിയാണു പലതവണ ബലാത്സംഗം ചെയ്തതെന്നു പരാതിയിൽ പറയുന്നു. യുവതിയുടെ നഗ്ന ചിത്രങ്ങളും വിഡിയോകളും കൈക്കലാക്കി സമൂഹമാധ്യമങ്ങളിൽ പ്രസിദ്ധീകരിക്കുമെന്നും വീട്ടുകാർക്ക് അയച്ചു കൊടുക്കുമെന്നും ഭീഷണിപ്പെടുത്തി. 2 ഫ്ലാറ്റുകളിലായി പീഡിപ്പിച്ചെന്നുമാണു യുവതി പറയുന്നത്
