വൈകീട്ട് നാലരയോടെ പുവ്വോട്മസ്ജിദ് പരിസരത്ത്നിന്ന് ആരംഭിക്കുന്ന റാലിയിൽ സ്ത്രീകളും കുട്ടികളുമടക്കം നിരപതി പേർ പങ്കെടുക്കും. പുഴയാണ് ജീവൻ; ദുർഗന്ധക്കമ്പനി നാടിന് വേണ്ട’ എന്ന മുദ്രാവാക്യം ഉയർത്തിയാണ് സമരത്തിന് ഐക്യദാർഢ്യ റാലി നടത്തുന്നത്. ദുർഗന്ധം കാരണം ശ്വസിക്കാൻ പോലും കഴിയാത്തതിൻ്റെ ദുരിതം കാണിച്ച് കറുത്ത മാസ്ക് ധരിച്ചാണ് പ്രദേശവാസികൾ റാലിയിൽ പങ്കെടുക്കുക. കട്ടിപ്പാറ ഗ്രാമപഞ്ചായത്തിൽ അമ്പായത്തോട് ഇറച്ചി പാറയിൽ പ്രവർത്തിക്കുന്ന മാലിന്യ പ്ലാൻറിന് തൊട്ടടുത്താണ് പുവ്വോട്. പുഴ മലിനമായി, കിണറുകളിലെ വെള്ളത്തിന് രുചിമാറ്റമടക്കം വന്നതോടെ പ്ര ദേശവാസികളിൽ നിരവധി പേർ ശ്വാസ കോശ, ത്വക്ക് രോഗികളായി ബുദ്ധിമുട്ടുകയാണ്. മാലിന്യ പ്ലാൻറിനെതിനെതിരെ അമ്പലമുക്കിൽ നടക്കുന്ന സമരം 18 ദിവസം പിന്നിട്ടിരിക്കുകയാണ്.