പുതുപ്പാടി പഞ്ചായത്ത് ബസാറിൽ ലഹരി വിരുദ്ധ സമിതി പ്രവർത്തകരെ ഒരു സംഘം മർദ്ദിച്ചതായി പരാതി.
സ്ഥിരമായി ലഹരി ഉപയോഗിക്കുന്ന സംഘം താവളമാക്കിയ കാടുമൂടി കിടന്ന സ്ഥലം വെട്ടിത്തെളിച്ച് ലഹരിവിരുദ്ധ പ്രചരണ ബോർഡ് സ്ഥാപിച്ചിരുന്നു, ഈ സമയം സ്വന്തം കടയും പരിസരവും കേന്ദ്രീകരിച്ച് മദ്യവും, ലഹരി വസ്തുക്കളും വിൽപ്പന നടത്തുന്നുണ്ട് എന്ന് ലഹരിവിരുദ്ധ സമിതി പ്രവർത്തകർ ആരോപിക്കുന്ന വ്യക്തിയും, സുഹൃത്തുക്കളുമെത്തിയാണ് ആക്രമം നടത്തിയതെന്ന് താമരശ്ശേരി താലൂക്ക് ആശുപത്രിയിൽ ചികിത്സ തേടിയ ലഹരി വിരുദ്ധ സമിതി പ്രവർത്തകരായ അമ്പുഡു ഗഫൂർ, ഷംനാദ്, നിസാർ എന്നിവർ പറഞ്ഞു.
ആരോപണ വിധേയനും പഞ്ചായത്ത് ബസാറിൽ നത്തുന്ന ആളുമായ പുതുപ്പാടി കരിമ്പിലോട് വട്ടോത്ത് പുറായാൽ റഫീഖ് ഇരുമ്പുദണ്ഡുമായി ഓടുന്ന വീഡിയോ ദൃശ്യം പുറത്തുവന്നിട്ടുണ്ട്.
ആയുധം പോലീസ് കണ്ടെടുത്തു.
എന്നാൽ കടയിൽ വെച്ച് ലഹരി വസ്തുക്കൾ വിൽപ്പന നടത്തുന്നില്ലെന്നും, പുറത്തു നിന്നു ഉപയോഗിക്കുന്നതിൽ തങ്ങൾക്ക് പങ്കില്ലെന്നും കടയിൽ ജോലി ചെയ്യുന്ന റഫീസിൻ്റെ സഹോദരി പറഞ്ഞു, തനിക്ക് മർദ്ദനമേറ്റെന്ന് കാണിച്ച് റഫീഖ് ആശുപത്രിയിൽ ചികിത്സ തേടിയിട്ടുണ്
ലഹരിക്കെതിരെയുള്ള പോരാട്ടത്തിൽ യാതൊരു വിട്ടുവീഴ്ചയും കാണിക്കില്ലെന്നും പോരാട്ടം ശക്തമായി മുന്നോട്ട് കൊണ്ടു പോകുമെന്നും ലഹരിവിരുദ്ധ സമിതി പ്രവർത്തകർ പറന്നു.