റിയാദ്:സൗദിയിലെ അൽ ഉലയ്ക്ക് അടുത്തുണ്ടായ റോഡപകടത്തിൽ വയനാട്ടുകാരായ രണ്ട് മലയാളികളടക്കം 5 പേർ മരിച്ചു. നടവയൽ നെയ്ക്കുപ്പ കാരിക്കുന്നേൽ ബൈജു, നിസ്സി ദമ്പതികളുടെ മകൾ ടീന (26) അമ്പലവയൽ ഇളയിടത്ത്മഠത്തിൽ അഖിൽ അലക്സ് (27) എന്നിവരാണ് മരിച്ച രണ്ട് മലയാളികൾ. ടീനയും അഖിൽ അലക്സും തമ്മിലുള്ള വിവാഹം ജൂൺ 16 ന് നടത്താനിരിക്കവെയാണ് അപകടം. കല്യാണവുമായി ബന്ധപ്പെട്ട് അടുത്ത ദിവസം ഇവർ നാട്ടിലേയ്ക്ക് വരാനുള്ള തയ്യാറെടുപ്പിലായിരുന്നു.
മദീനയിലെ കാർഡിയാക്സ് സെൻ്ററിൽ നിന്ന് അൽ ഉല സന്ദർശിക്കാൻ പോയതായിരുന്നു ഇവർ. അൽ ഉലയിൽ നിന്ന് ഏകദേശം 150 കി.മീ. അകലെ വച്ചാണ് അപകടമുണ്ടായത്. മൃതദേഹങ്ങൾ കത്തി കരിഞ്ഞ നിലയിലാണ്. .
മൃതദേഹങ്ങൾ നാട്ടിലെത്തിക്കാനുള്ള തയ്യാറെടുപ്പ് നടന്നു വരുന്നു.