കായിക അധ്യാപകൻ്റെ പീഢനത്തിനിരയായവർ മജിസ്ട്രേറ്റിന് മുന്നിൽ രഹസ്യ മൊഴി നൽകി, പീഢനം നടന്ന നെല്ലിപ്പൊയിലിലെ വീട്ടിൽ പോലീസ് പരിശോധന നടത്തി.

താമരശ്ശേരി: കട്ടിപ്പാറ ഹോളി ഫാമിലി ഹയർ സെക്കൻ്ററി സ്കൂളിലെ കായിക അധ്യാപകൻ മിനീഷ് പീഡിപ്പിച്ചെന്ന് പരാതി നൽകിയ വിദ്യാർത്ഥിനികൾ മജിസ്ട്രേട്ടിന് മുന്നിൽ CRPC 164 പ്രകാരം രഹസ്യ മൊഴി നൽകി.

മിനീഷ് മുൻപ് ജോലി ചെയ്തിരുന്ന സ്കൂളിലെ വിദ്യാർത്ഥിനിയെ പീഡിപ്പിച്ചെന്ന പരാതിയിൽ പിന്നീട് സമർദ്ദം മൂലം ഇരമൊഴി മാറ്റുകയും, പ്രതി രക്ഷപ്പെടുകയും ചെയ്തിരുന്നു.ഇതിൻ്റെ കൂടി പശ്ചാതലത്തിലാണ് മജിസ്ട്രേറ്റിൻ്റെ മുന്നിൽ ഇരകളുടെ രഹസ്യ മൊഴി രേഖപ്പെടുത്താൻ തീരുമാനിച്ചത്.

അതോടൊപ്പം തന്നെ പീഢനം നടന്ന നെല്ലിപ്പൊയിലിലെ മിനീഷിൻ്റെ സഹായിയായ സ്ത്രീയുടെ വീട്ടിൽ ഇരകളെ എത്തിച്ച് പോലീസ് സംഭവസ്ഥല മഹസർ തയ്യാറാക്കി.

.