പോസ്റ്റ് ഓഫീസിനു മുമ്പിൽ പ്രതിഷേധ ധർണ്ണ നടത്തി

താമരശ്ശേരി: കേന്ദ്ര സർക്കാർ കൊണ്ടുവന്ന വിവാദ കാർഷിക നിയമങ്ങൾ റദ്ദാക്കുന്നതിനു വേണ്ടി സേവ് അഗ്രിക്കൾച്ചർ, സേവ് ഡെമോക്രസി, സേവ് ഇന്ത്യ മുദ്രാവാക്യങ്ങളുയർത്തി ഡൽഹി ജന്തർമന്തിറിൽ കർഷകർ നടത്തുന്ന കർഷക പാർലമെൻ്റിനോട് അനുഭാവം പ്രകടിപ്പിച്ചു കൊണ്ടും കേന്ദ്ര സർക്കാറിൻ്റെ കർഷകദ്രോഹ നയത്തിൽ പ്രതിഷേധിച്ചും താമരശ്ശേരി പഞ്ചായത്ത് സംയുക്ത കർഷക സമിതിയുടെ  നേതൃത്വത്തിൽ പോസ്റ്റോഫീസിനു മുന്നിൽ ധർണ്ണ സംഘടിപ്പിച്ചു.സംസ്ഥാന വ്യാപകമായി നടന്ന പ്രതിഷേധ പരിപാടി താമരശ്ശേരിയിൽ കർഷക സംഘം ഏരിയാ കമ്മറ്റി ട്രഷറർ വി.കുഞ്ഞിരാമൻ ഉദ്ഘാടനം ചെയ്തു.കണ്ടിയിൽ മുഹമ്മത് അധ്യക്ഷനായി. താമരശ്ശേരി മേഖലാ കർഷക കൂട്ടായ്മ ചെയർമാൻ കെ.വി.സെബാസ്റ്റ്യൻ, സോമൻ പിലാത്തോട്ടം, കെ.പി.രാധാകൃഷ്ണൻ,പി.സി റഹീം മാസ്റ്റർ, കെ.കെ..കുര്യൻ, വി.രാജേന്ദ്രൻ, എം.വിജയൻ തുടങ്ങിയവർ സംസാരിച്ചു.