കല്‍പ്പറ്റ: നിയമസഭാ തിരഞ്ഞെടുപ്പില്‍ ബത്തേരി മണ്ഡലത്തില്‍ എന്‍.ഡി.എ സ്ഥാനാര്‍ത്ഥിക്ക് വേണ്ടി കോഴ ഇടപാട് നടന്നുവെന്ന കേസില്‍ സ്ഥാനാര്‍ത്ഥിയായിരുന്ന സി.കെ. ജാനുവിന്റെ വീട്ടില്‍ ക്രൈംബ്രാഞ്ച് ഡിവൈഎസ്പി മനോജ് കുമാറിന്റെ നേതൃത്വത്തില്‍ റെയ്ഡ്. ഇന്ന് രാവിലെയാണ് അന്വേഷണം നടത്തുന്ന ക്രൈംബ്രാഞ്ച് സംഘം തിരുനെല്ലി പനവല്ലിയിലെ വീട്ടില്‍ റെയ്ഡിനെത്തിയത്. കൂടുതല്‍ വിവരങ്ങള്‍ ലഭ്യമായിട്ടില്ല. ഇതിനിടെ എം.ഗണേഷിനെതിരെയും പ്രശാന്ത് മലവയലിനെതിരെയും കേസെടുത്തു. തെളിവുകള്‍ നശിപ്പിച്ച സംഭവത്തിലാണ് ക്രൈം ബ്രാഞ്ച് കേസെടുത്തത്.മൊബൈല്‍ ഫോണുകള്‍ ഹാജരാക്കാന്‍ ആവശ്യപ്പെട്ടെങ്കിലും നല്‍കിയില്ല. രണ്ട് നോട്ടീസുകളും നിരസിച്ചതോടെയാണ് നിയമനടപടിയിലേക്ക് അന്വേഷണ സംഘം നീങ്ങിയത്.
