സീതാറാം യെച്ചൂരിയുടെ അമ്മ കൽപകം യെച്ചൂരി അന്തരിച്ചു

സിപിഐഎം ജനറൽ സെക്രട്ടറി സീതാറാം യെച്ചൂരിയുടെ അമ്മ കൽപകം യെച്ചൂരി അന്തരിച്ചു. 89 വയസായിരുന്നു. വാർധക്യ സഹജമായ അസുഖങ്ങളെത്തുടർന്ന്‌ ദില്ലിയിലെ ഗുരുഗ്രാം ആശുപത്രിയിൽ ചികിത്സയിലായിരുന്നു.

മൃതദേഹം മെഡിക്കൽ ഗവേഷണത്തിനായി ദില്ലി എയിംസിന്‌ വിട്ടുനൽകി. ഭർത്താവ്‌: പരേതനായ സർവ്വേശ്വര സോമയാജലു.

മുഖ്യമന്ത്രി പിണറായി വിജയൻ അനുശോചിച്ചു.

സിപിഐ എം ജനറൽ സെക്രട്ടറി സീതാറാം യെച്ചൂരിയുടെ അമ്മ കൽപകം യെച്ചൂരിയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനം രേഖപ്പെടുത്തി. സീതാറാം യെച്ചൂരിയെ അനുശോചനം അറിയിച്ചു.