മുട്ടുകാല് ഞാൻ തല്ലിയൊടിക്കും; മര്യാദ കെട്ട പെരുമാറ്റം; ഡോക്ടര്‍ക്ക് സസ്പെന്‍ഷന്‍

തിരുവനന്തപുരം മെഡിക്കല്‍ കോളേജില്‍ രോഗിയോട് അപമര്യാദയായി പെരുമാറിയ പി.ജി ഡോക്ടര്‍ അനന്തകൃഷ്ണനെ സസ്‌പെന്‍ഡ് ചെയ്തു. രോഗിയുടെ ബന്ധുക്കളോട് മോശമായി പെരുമാറിയെന്ന പരാതിയിലാണ് നടപടി. ഇയാള്‍ മോശമായി പെരുമാറുന്ന ദൃശ്യങ്ങള്‍ സാമൂഹ്യ മാധ്യമങ്ങളില്‍ പ്രചരിച്ചിരുന്നു.

അനന്തകൃഷ്ണന്റെ പെരുമാറ്റം നെഗറ്റീവ് ഇമേജാണ് പൊതുജനങ്ങള്‍ക്കിടയില്‍ ആശുപത്രിയുടെ പേരില്‍ ഉണ്ടാക്കിയതെന്ന് വകുപ്പ് മേധാവി പ്രാഥമിക അന്വേഷണം നടത്തി റിപ്പോര്‍ട്ട് നല്‍കിയിരുന്നു. അന്വേഷണം പൂര്‍ത്തിയാവും വരെ ജോലിക്ക് വരേണ്ടതില്ലെന്നാണ് അനന്തകൃഷ്ണനോട് പ്രിന്‍സിപ്പാള്‍ സാറ വര്‍ഗീസ് നിര്‍ദേശിച്ചിരിക്കുന്നത്. സംഭവത്തില്‍ കര്‍ശന നടപടി സ്വീകരിക്കണമെന്ന് ആരോഗ്യമന്ത്രി വീണാ ജോര്‍ജും നിര്‍ദ്ദേശം നല്‍കിയിരുന്നു.