ഇന്നു പുലർച്ചെ നാലുമണിക്കാണ് മോഷണം നടന്നത്. ബംഗാൾ മുർഷിദാബാദ് സ്വദേശികളായ എട്ടു പേരാണ് ഇവിടെ താമസിച്ചിരുന്നത് ഇവരുടെ കൂട്ടത്തിൽ ഉണ്ടായിരുന്ന ലത ഹസ്റ യുടെയും, ലാൽ മോഹൻ്റേയും ഫോണുകളും, ധനജയ് ബോഷിൻ്റെ 22000 രൂപയും, രേഖകൾ അടങ്ങിയ ബാഗുമാണ് നഷ്ടമായത്.
കഴിഞ്ഞ തിങ്കളാഴ്ച താമരശ്ശേരി ചുങ്കത്ത് വീടിൻ്റെ പോർച്ചിൽ നിന്നും കളവ് പോയ പൾസർ ബൈക്കിലാണ് മോഷ്ടാവ് എത്തിയത്.
തൊഴിലാളികൾ മോഷ്ടാവിനെ പിന്തുടർന്ന അവസരത്തിൽ ബൈക്ക് ഉപേക്ഷിച്ച് ബാഗുമായി കടന്നു കളയുകയായിരുന്നു. ബൈക്കിൻ്റെ നമ്പർ പ്ലേറ്റിൽ സ്റ്റിക്കർ ഒട്ടിച്ച് മാറ്റം വരുത്തിയ നിലയിലാണ്.
തൊഴിലാളികൾ പോലീസിൽ പരാതി നൽകി.