കളമശേരിയില് സ്ഫോടനമുണ്ടായതിന് പിന്നാലെ സംസ്ഥാനത്ത് അതീവ ജാഗ്രതാ നിര്ദേശം നല്കി.കേന്ദ്ര ആഭ്യന്തരമന്ത്രി അമിത് ഷാ മുഖ്യമന്ത്രി പിണറായി വിജയനോട് വിവരങ്ങള് തേടി. മന്ത്രി വി.എന് വാസവനോട് ഉടന് കളമശേരിയിലെത്താന് മുഖ്യമന്ത്രി നിര്ദേശിച്ചു.വളരെ ഗൗരവത്തോടെയാണ് സര്ക്കാര് കളമശേരി സ്ഫോടനത്തെ കാണുന്നത്.
എന്െഎഎ സംഘവും തീവ്രവാദ വിരുദ്ധ സ്ക്വാഡും സ്ഥലത്തെത്തി വിവരങ്ങള് ശേഖരിക്കുകയാണ്. ഹാള് മുഴുവന് പൊലീസ് സീല് ചെയ്തു. ആര്ക്കും ഇനി അകത്തേയ്ക്ക് പ്രവേശനമില്ല.സംസ്ഥാനത്ത എല്ലാ പൊലീസ് സ്റ്റേഷനുകളിലേക്കും സുരക്ഷ കര്ശമാക്കാന് ആവശ്യമായ നടപടികള് സ്വീകരിക്കാന് ജില്ലാ പൊലീസ് മേധാവിമാര് നിര്ദേശം നല്കി.
......................
കളമശ്ശേരി കണ്വെന്ഷന് സെന്ററില് സ്ഫോടനം; ഒരാള് മരിച്ചു, 35 പേര്ക്ക് പരിക്ക്
കൊച്ചി:* കളമശ്ശേരി കണ്വെന്ഷന് സെന്ററില് സ്ഫോടനം. ഒരാള് മരിച്ചു. 35 പേര്ക്ക് പരിക്കേറ്റു. അഞ്ച് പേരുടെ നില ഗുരുതരമാണ്. യഹോവ സാക്ഷികളുടെ പരിപാടിക്കിടെയാണ് സ്ഫോടനം. പരിക്കേറ്റവരെ കളമശ്ശേരി മെഡിക്കല് കോളേജില് പ്രവേശിപ്പിച്ചു. സ്ഫോടന കാരണം വ്യക്തമല്ല.
കളമശ്ശേരി മെഡിക്കല് കോളേജില് നിന്നും 500 മീറ്റർ അകലെ മാത്രമാണ് കണ്വെന്ഷന് സെന്റർ സ്ഥിതി ചെയ്യുന്നത്. ഭീകര ശബ്ദത്തോട് കൂടി നാലില് അധികം പൊട്ടിത്തെറി ഉണ്ടായതായാണ് വിവരം. പൊട്ടിത്തെറിക്ക് ശേഷം കരിമരുന്നിന്റെ മണം ഉണ്ടായെന്ന് പ്രദേശവാസികള് പറയുന്നു. ശനിയാഴ്ചയും ഞായറാഴ്ചയുമായി രണ്ടായിരത്തിലധികം പേരെ പങ്കെടുപ്പിച്ചുള്ള പരിപാടിയാണ് കണ്വെന്ഷന് സെന്റില് നടക്കുന്നത്. പരിശോധന നടന്നുവരികയാണ്.
..................................
*കളമശേരിയിലെ പൊട്ടിത്തെറി: അവധിയിലുള്ളവരോട് അടിയന്തരമായി തിരിച്ചെത്താന് മന്ത്രി വീണാ ജോര്ജ് നിര്ദേശം നല്കി*
ആശുപത്രികള്ക്ക് ജാഗ്രതാ നിര്ദേശം നല്കി
കളമശേരിയില് പൊട്ടിത്തെറി ഉണ്ടായ സാഹചര്യത്തില് മികച്ച ചികിത്സയൊരുക്കാന് ആരോഗ്യ വകുപ്പ് മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടര്ക്കും മെഡിക്കല് വിദ്യാഭ്യാസ വകുപ്പ് ഡയറക്ടര്ക്കും നിര്ദേശം നല്കി. ആശുപത്രികള്ക്ക് ജാഗ്രതാ നിര്ദേശം നല്കി. അവധിയിലുള്ള മുഴുവന് ഡോക്ടര്മാര് ഉള്പ്പെടെയുള്ള ആരോഗ്യ പ്രവര്ത്തകരും അടിയന്തരമായി തിരിച്ചെത്താന് മന്ത്രി നിര്ദേശം നല്കി. കളമശേരി മെഡിക്കല് കോളേജ്, എറണാകുളം ജനറല് ആശുപത്രി, കോട്ടയം മെഡിക്കല് കോളേജ് എന്നിവിടങ്ങളില് അധിക സൗകര്യങ്ങളൊരുക്കാനും നിര്ദേശം നല്കി. അധിക ജീവനക്കാരുടെ സേവനവുമൊരുക്കും. ജില്ലയിലെ മറ്റാശുപത്രികളിലും സൗകര്യമൊരുക്കാന് മന്ത്രി നിര്ദേശം നല്കി.
.................................
കളമശ്ശേരി സ്ഫോടനത്തിന്റെ പശ്ചാത്തലത്തിൽ പൊലിസ് ആശുപത്രി അധികൃതരുമായി സംസാരിച്ചതായി മന്ത്രി പി രാജീവ്.
സംഭവത്തിന്റെ മറ്റ് വിശദാംശങ്ങളിലേക്ക് എത്തിയിട്ടില്ല.
സ്ഫോടനത്തിൽ ഒരാൾ മരിച്ചുവെന്നും കൂടുതൽ ചികിത്സ ആവശ്യമുള്ളവരെ മറ്റ് ആശുപത്രികളിലേക്ക് മാറ്റുമെന്നും മന്ത്രി മാധ്യമപ്രവർത്തകരോട് പറഞ്ഞു.
അതേസമയം, ദില്ലിയിലുള്ള മന്ത്രി പി.രാജീവ് കേരളത്തിലേക്ക് തിരിക്കും
. ഉച്ചക്ക്12.50 ൻ്റെ വിമാനത്തിൽ മന്ത്രി യാത്ര തിരിക്കുമെന്നാണ് അറിയിച്ചിട്ടുള്ളത്.
..........................
കളമശ്ശേരിയിലെ സ്ഫോടനത്തിൽ അങ്ങേയറ്റം ദൗർഭാഗ്യകരമായ സംഭവമാണെന്ന് മുഖ്യമന്ത്രി പിണറായി വിജയൻ.
മറ്റ് വിശദാംശങ്ങൾ പരിശോധിച്ചു വരികയാണ്. എറണാംകുളത്തുള്ള പൊലീസ് ഉദ്യോഗസ്ഥർ സ്ഥലത്തെത്തിയിട്ടുണ്ട്.
ഡിജിപി എറണാംകുളത്തേക്ക് തിരിച്ചു. മറ്റ് കാര്യത്തിൽ ശേഖരിച്ചുവരികയാണെന്നും മുഖ്യമന്ത്രി പറഞ്ഞു.
സ്ഫോടനത്തിൽ ഒരാൾ മരിച്ചു.
രണ്ടു പേരുടെ നില ഗുരുതരമാണ്.
മറ്റു പരിക്കേറ്റവർ ആശുപത്രിയിൽ ചികിത്സയിലാണ്.
വിവരങ്ങൾ കിട്ടിയാൽ മാത്രമേ ആക്രമണത്തെ കുറിച്ച് പറയാനാവൂ എന്നും മുഖ്യമന്ത്രി കൂട്ടിച്ചേർത്തു.