കാട്ടുപന്നി ഇടിച്ച് ബൈക്ക് അപകടം; ചികിത്സയിലായിരുന്ന യുവാവ് മരിച്ചു

തിരുവമ്പാടി : കഴിഞ്ഞ ഞായറാഴ്ച രാത്രി മുക്കം - തിരുവമ്പാടി റോഡിൽ ഗേറ്റുപടിയിൽ കാട്ടുപന്നി ബൈക്കിൽ ഇടിച്ചതിനെ തുടർന്ന് നിയന്ത്രണം വിട്ട് മറിഞ്ഞ് പരുക്കേറ്റ് കോഴിക്കോട് മെഡിക്കൽ കോളേജ് ആശുപത്രിയിൽ ചികിൽസയിലായിരുന്ന യുവാവ് മരിച്ചു.

പൊന്നാങ്കയം പോത്തശ്ശേരിയിൽ ഗോപി വിലാസിനി ദമ്പതികളുടെ മകൻ ജിനീഷ് (25) ആണ് മരിച്ചത്. ഒപ്പം ബൈക്കിൽ യാത്ര ചെയ്തിരുന്ന ബിബിൻ (24) സ്വകാര്യ മെഡിക്കൽ കോളജിൽ ചികിൽസയിൽ ആണ്.

സംസ്കാരം നാളെ (17-01-2024-ബുധൻ) വൈകുന്നേരം 03:00-ന് വീട്ടുവളപ്പിൽ.

സഹോദരങ്ങൾ: വിനീഷ്, വിജേഷ് .