എക്സിറ്റ് പോൾ; കേരളത്തിൽ വിവിധ മുന്നണികൾ നേടുന്ന സീറ്റുകൾ ഇങ്ങനെ

ലോക്സഭ തെരഞ്ഞെടുപ്പിൽ കേരളത്തിൽ വിവിധ മുന്നണികൾ നേടുന്ന സീറ്റുകളുടെ എക്സിറ്റ് പോൾ ഫലങ്ങൾ പുറത്ത്. വിവിധ സർവേകൾ പുറത്തുവിടുന്ന പ്രകാരം യുഡിഎഫ് കൂടുതൽ സീറ്റുകൾ നേടുമെന്നാണ് പ്രവചനം. അതേസമയം കഴിഞ്ഞ തവണത്തെ അപേക്ഷിച്ച് യുഡിഎഫ് സീറ്റുകൾ കുറയും എന്നാണ് എക്സിറ്റ് പോൾ പ്രവചിക്കുന്നത്. ബിജെപി ഒന്നു മുതൽ മൂന്നു വരെ സീറ്റുകൾ നേടുമെന്നും പ്രവചനമുണ്ട്.

ഇടതുമുന്നണി കഴിഞ്ഞ തവണത്തെ ഒരു സീറ്റിൽ നിന്ന് മുന്നോട്ടു പോകുമെന്നും ചില സർവേകൾ പറയുന്നു. ചില എക്സിറ്റ് പോൾ പ്രകാരം ഇടതുമുന്നണിക്ക് സീറ്റുകൾ ഒന്നും ലഭിക്കില്ല എന്നുമാണ് പുറത്തുവരുന്നത്.

ഇന്ത്യടിവി– സിഎൻഎക്സ് എക്സിറ്റ് പോൾ അനുസരിച്ച് കേരളത്തിൽ യുഡിഎഫ് – 13 –15, എൽഡിഎഫ് – 3 -5, എൻ‌ഡിഎ – 1–3 എന്നിങ്ങനെയാണ്. ഇന്ത്യടുഡേ– ആക്സിസ് എക്സിറ്റ് പോൾ അനുസരിച്ച് കേരളത്തിൽ യുഡിഎഫ് – 17–18, എൽഡിഎഫ് – 1എൻ‌ഡിഎ – 2–3,എന്നിങ്ങനെയാണ്. ടൈംസ് നൗ – ഇടിജി എക്സിറ്റ് പോൾ ഫലങ്ങൾ പറയുന്നത് യുഡിഎഫ് – 14–15, എൽഡിഎഫ് – 4, എൻ‌ഡിഎ – 1 എന്നിങ്ങനെയാണ് സീറ്റുകളുടെ പ്രവചനം. എബിപി– സി വോട്ടർ എക്സിറ്റ് പോൾ ഫലങ്ങൾ യുഡിഎഫ് – 17 –19 സീറ്റ് നേടുമെന്നുംഎൽഡിഎഫ് – 0, എൻ‌ഡിഎ – 1–3 എന്നിങ്ങനെയുമാണ്. ടിവി–9 പ്രവചനം പറയുന്നത് യുഡിഎഫ് – 16, എൽഡിഎഫ് – 3, എൻ‌ഡിഎ – 1 എന്നിങ്ങനെയാണ് സീറ്റുകൾ എന്നാണ്.