താമരശ്ശേരി കരിങ്ങമണ്ണ താമസക്കാരനായ കൊടുവള്ളി ആരാമ്പ്രം പേരംകണ്ടി ഷമീറാണ് മയക്കുമരുന്ന് ലഹരിയിൽ അക്രമം നടത്തിയത്.
ഇയാളുടെ വീട്ടിൽ വെച്ച് ഭാര്യയെ ആക്രമിച്ച് വീട്ടുപകരണങ്ങൾ തകർത്തിരുന്നു.
സംഭവം ഇങ്ങനെ:
പളളിയിൽ നിന്നും ലദിച്ച ഇറച്ചി വീട്ടിൽ എത്തിക്കാനായി ഭാര്യ സഹോദരൻ മുനീർ കരിങ്ങമണ്ണയിലുള്ള വീട്ടിലെത്തി, ഈ അവസരത്തിൽ ടിപ്പർ ഡ്രൈവറായ പ്രതി മയക്കുമരുന്ന് ലഹരിയിൽ വീട്ടു സാധനങ്ങൾ അടിച്ചു തകർക്കുകയും, ഭാര്യ നസീമയയെ മർദ്ദിക്കുകയും ചെയ്യുന്ന കാഴ്ചയാണ് കണ്ടെത്. ഉടനെ നസീമയെ സഹോദരനായ മുനീർ താമരശ്ശേരി താലൂക്ക് ആശുപത്രിയിലേക്ക് കൊണ്ടുപോയി.
തൊട്ടുപുറകെ തൻ്റെ കാറിൽ പ്രതി ഷമീർ പുറപ്പെട്ടു, പോകും വഴി മൂന്നു വാഹനങ്ങളിൽ കാറിടിച്ചു, സി പി ഐ എം കോടഞ്ചേരി ലോക്കൽ സെക്രട്ടറി ഷിജി ആൻറണിയുടെ കാറിൻ്റെ ഒരു ഭാഗത്ത് ഇടിച്ചു, എന്നിട്ടും നിർത്താതെ ഭാര്യവീട്ടിലേക്ക് കാറോടിച്ചു.
വീട്ടിൽ എത്തിയ ഉടനെ വീട്ടു സാധനങ്ങൾ വലിച്ചെറിയുകയും, വീട്ടുകാരെ ആക്രമിക്കുകയും ചെയ്തു, എന്നാൽ ആർക്കും കാര്യമായി പരുക്കേറ്റിട്ടില്ല, തുടർന്ന് സമീപത്തു ഭാര്യ സഹോദരർ പരേ തൊടികയിൽ മനാഫിൻ്റെ വീടിനു മുന്നിൽ ഷമീർ നിർത്തിയിട്ട കാറിന് സ്വയം തീകൊളുത്തി, വീടിനും കേടുപാടു സംഭവിച്ചു, ഓടിക്കൂടിയ നാട്ടുകാർ കയർ ഉപയോഗിച്ച് ഷമീറിനെ വീടിൻ്റെ തൂണിൽ കെട്ടിയിട്ടു.
മുക്കത്ത് നിന്നും എത്തിയ ഫയർഫോയ്സ് തീയണച്ചു.
കോടഞ്ചേരി എസ് ഐ ആൻറണിയുടെ നേതൃത്വത്തിൽ എത്തിയ പോലീസ് പ്രതിയെ കസ്റ്റഡിയിലെടുത്തു.
ഇയാൾ മയക്കുമരുന്ന് ഉപയോഗിച്ച് സ്ഥിരം പ്രശ്നമുണ്ടാക്കുന ആളാണെന്ന് ബന്ധുക്കളും, നാട്ടുകാരും പറഞ്ഞു.
താമരശ്ശേരി പോലീസ് സ്റ്റേഷൻ പരിതിയിലെ അമ്പലമുക്കിൽ വെച്ചാണ് ഷാജി ആൻ്റണിയുടെ കാറിൽ ഇടിച്ച് നിർത്താതെ പോയത്, ഉടനെ താമരശ്ശേരി പോലീസിൽ വിളിക്കുകയും, നേരിട്ടു പോയി പരാതി പറയുകയും ചെയ്തിട്ടും പോലീസ് മുഖവിലക്കെടുത്തില്ലെന്നും, യഥാസമയം പോലീസ് എത്തിയിരുന്നെങ്കിൽ കാർ കത്തിക്കലും, ഭാര്യവീട് ആക്രമിക്കലും ഒഴിവാക്കാമായിരുന്നെന്നും നാട്ടുകാർ പറഞ്ഞു.