കോഴിക്കോട് :ട്യൂഷൻ കഴിഞ്ഞു വരികയായിരുന്ന വിദ്യാർത്ഥിനിയെ തട്ടിക്കൊണ്ടു പോകാൻ ശ്രമം.കോഴിക്കോട് തൊണ്ടയടിനു സമീപം ഈസ്റ്റ് കുടിൽത്തോടിൽ ഇന്നലെ വൈകുന്നേരം അഞ്ചരയോടെയാണ് സംഭവം നടന്നത്.കോഴിക്കോട് സെൻറ് വിൻസൺ സ്കൂളിലെ ഏഴാം ക്ലാസ് വിദ്യാർത്ഥിനിയെആണ് തട്ടിക്കൊണ്ടുപോകാൻ ശ്രമിച്ചത്.കുട്ടി പതിവുപോലെ ട്യൂഷൻ കഴിഞ്ഞ റോഡിലൂടെ വരുമ്പോൾ തൊട്ടടുത്ത് പെട്ടെന്നൊരു കാർ നിർത്തി അതിൽ നിന്നും രണ്ടുപേർ ഇറങ്ങുകയും കുട്ടിയെ കൈക്ക് പിടിച്ച് കാറിൽ കയറ്റാൻ ശ്രമിക്കുകയും ആയിരുന്നു.
തുടർന്ന് കുട്ടി കൈപ്പിടിച്ചയാളുടെ കൈക്ക് കടിച്ചതോടെ ഇയാൾ കുട്ടിയുടെ കൈയുടെ പിടുത്തം വിട്ടു. തുടർന്ന് കുട്ടിതൊട്ടടുത്ത വീട്ടിലേക്ക് ഓടി രക്ഷപ്പെട്ടു.
ആ വീട്ടുകാരാണ് ചേവായൂർ പോലീസിൽ വിവരം അറിയിച്ചത്.പോലീസും പ്രദേശവാസികളും പരിസരത്തെ സിസിടിവി ദൃശ്യങ്ങൾ പരിശോധിക്കുന്നുണ്ട്.
കുട്ടിയെ പോലീസ് കൗൺസിലിങ്ങിന് വിധേയമാക്കി.