കേന്ദ്ര സാഹിത്യ അക്കാദമി പുരസ്കാര പ്രഖ്യാപനം മാറ്റിവെച്ചു. പുരസ്കാര പ്രഖ്യാപനം മാറ്റിയതിൻ്റെ കാരണം അധികൃതർ വ്യക്തമായി അറിയിച്ചിട്ടില്ല. ഇന്ന് വൈകിട്ട് മൂന്ന് മണിയോടു കൂടിയാണ് അവാർഡ് പ്രഖ്യാപനം ഉണ്ടാകുമെന്നായിരുന്നു നേരത്തെ അറിയിച്ചിരുന്നത്. ഇതിന്റെ അടിസ്ഥാനത്തിൽ മാധ്യമങ്ങൾ അടക്കം വാർത്താ സമ്മേളനത്തിനായി സാഹിത്യ അക്കാദമിയുടെ മേഖലയിൽ എത്തുകയും ചെയ്തിരുന്നു. ഇതിന് പിന്നാലെയാണ് വാർത്താ സമ്മേളനം മാറ്റിവെച്ചെന്നും പ്രഖ്യാപനം നീട്ടി വെച്ചിരിക്കുകയാണെന്നും അധികൃതർ വ്യക്തമാക്കിയത്.
അവാർഡ് പ്രഖ്യാപന സമയം മാറ്റിയതുമായി ബന്ധപ്പെട്ട പൂർണ്ണ വിശദാംശങ്ങൾ അക്കാദമി ചെയർമാൻ അടക്കമുള്ള ആളുകൾ വ്യക്തമാക്കുകയും ചെയ്തിട്ടില്ല. പുതിയ തീയതി പിന്നീട് അറിയിക്കുമെന്നാണ് നിലവിൽ അധികൃതർ വ്യക്തമാക്കിയിരിക്കുന്നത്. ഇതുസംബന്ധിച്ച വാർത്താക്കുറിപ്പ് പുറത്തിറക്കുമെന്നാണ് വിവരം
