താമരശ്ശേരി: ദേശീയ പാതയിൽ താമരശ്ശേരിക്ക് സമീപം പെരുമ്പള്ളിയിൽ കാട്ടുപന്നിയിടിച്ച് നിയന്ത്രണം വിട്ട് ഓട്ടോറിക്ഷ മറിഞ്ഞ് 5 പേർക്ക് പരുക്കേറ്റു. അമ്പായത്തോട് മിച്ചഭൂമി സ്വദേശികളായ രാജു ( 57), അംബിക (55), ശ്രീഷ്മ (27), അഖിൽ (32), നിഹാര (8 മാസം). അടിവാരം ഭാഗത്തു നിന്നും താമരശ്ശേരി ഭാഗത്തേക്ക് വരികയായിരുന്ന ഓട്ടോക്ക് മുന്നിലാണ് കാട്ടുപന്നി ചാടിയത്. രാത്രി 10 മണിയോടെയായിരുന്നു സംഭവം. പരുക്കേറ്റവരെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു.
