സ്കൂൾ മാനേജർ കെ. എം. ഡി. മുഹമ്മദ് അധ്യക്ഷത വഹിച്ചു. എഴുത്തുകാരനും ചിത്രകാരനും അധ്യാപകനുമായ മുനീർ അഗ്രഗാമി പരിപാടികൾ ഉദ്ഘാടനം ചെയ്തു. വായന വ്യക്തിത്വ രൂപീകരണത്തിനും വിജ്ഞാനസമ്പാദനത്തിനും അനിവാര്യമാണെന്നും കുട്ടികളിൽ വായനാശീലം വളർത്തുന്നതിന് രക്ഷിതാക്കളും അധ്യാപകരും ഒരുപോലെ ശ്രദ്ധിക്കണമെന്നും അദ്ദേഹം പറഞ്ഞു.
പരിപാടിയുടെ ഭാഗമായി കൈതപ്പൊയിൽ ടീം ഇശൽ ബീറ്റ്സിലെ കലാകാരന്മാരെ ആദരിച്ചു. സംഘാംഗങ്ങളായ ശിഹാബ് അമാൻ, സൈദ്, ഷഫീഖ്, മുജീബ് എന്നിവർ അവതരിപ്പിച്ച ഗാനവിരുന്ന് ചടങ്ങിന്റെ പ്രധാന ആകർഷണമായി. മനോഹരമായ ഗാനങ്ങളിലൂടെ അവർ സദസിനെ ആകർഷിക്കുകയും വായനാദിനാചരണത്തിന് സംഗീതത്തിന്റെ മധുരം പകരുകയും ചെയ്തു.
സംഗീതരംഗത്ത് മികച്ച പ്രവർത്തനങ്ങൾ കാഴ്ചവെച്ച ഇശൽ ബീറ്റ്സ് ടീമംഗങ്ങൾക്ക് സ്കൂളിന്റെ ഉപഹാരങ്ങൾ നൽകി ആദരവ് അർപ്പിച്ചു. വിദ്യാർഥികൾ അവതരിപ്പിച്ച വായനാദിന സന്ദേശം, പുസ്തകപരിചയം, കവിതാലാപനം, വായനാപ്രതിജ്ഞ തുടങ്ങിയ പരിപാടികളും ശ്രദ്ധേയമായി.
എംഇഎസ് താമരശ്ശേരി താലൂക്ക് പ്രസിഡന്റ് എ. സി. അബ്ദുൽ അസീസ്, സ്കൂൾ വൈസ് ചെയർമാൻ ആർ. കെ. മൊയ്തീൻ കോയ, പ്രിൻസിപ്പൽ ജോൺ ജോസഫ്, അധ്യാപകർ, വിദ്യാർഥികൾ എന്നിവർ ചടങ്ങിൽ പങ്കെടുത്തു.
വായനയെ ജീവിതശീലമാക്കണമെന്ന് ആഹ്വാനം ചെയ്തുകൊണ്ടാണ് പരിപാടികൾ സമാപിച്ചത്.