പെരിന്തൽമണ്ണ: വിശാഖപട്ടണത്തുനിന്നും ആംബുലന്സില് കൊണ്ടുവന്ന 46 കിലോ കഞ്ചാവുമായി മൂന്നുപേരെ പൊലീസ് പിടികൂടി. മലപ്പുറം ചട്ടിപ്പറമ്പ് സ്വദേശി ആറങ്ങോട്ട് പുത്തന്പീടികയേക്കല് ഉസ്മാൻ (46), തിരൂരങ്ങാടി പൂമണ്ണ സ്വദേശി ഈരാട്ട് വീട്ടില് ഹനീഫ (40), മുന്നിയൂര് കളത്തിങ്ങല് പാറ സ്വദേശി ചോനേരി മഠത്തില് മുഹമ്മദാലി (36) എന്നിവരെയാണ് പെരിന്തല്മണ്ണ പൊലീസ് അറസ്റ്റ് ചെയ്തത്.
പൊലീസ്, എക്സൈസ് പരിശോധന ഒഴിവാക്കാനാണ് ആംബുലന്സ് തിരഞ്ഞെടുത്തതെന്ന് പിടിയിലായവർ പൊലീസിനോട് പറഞ്ഞു. ഏതാനും മാസങ്ങൾക്കിടയിൽ ആംബുലൻസിൽ മൂന്നോ നാലോ തവണ കഞ്ചാവു കടത്തിയിട്ടുണ്ടെന്നും പിടിയിലാവുന്നത് ആദ്യമാണെന്നും സംഘം പൊലീസിനോട് വ്യക്തമാക്കി.
