കണ്ണാറ പുത്തൻവീട്ടിൽ അനീഷിന്റെയും കുഞ്ഞുദേവിയുടെയും മകൻ അഞ്ജയ് കൃഷ്‌ണ (9) ആണ് മരിച്ചത്. കണ്ണാറ അപ്പർ പ്രൈമറി സ്‌കൂൾ നാലാം ക്ലാസ് വിദ്യാർത്ഥിയാണ്. സഹോദരി: അനഞ്ജിക കൃഷ്‌ണ.
ശനിയാഴ്‌ച ഉച്ചക്ക് 12.15നാണ് അപകടം. പത്താംകല്ലിൽ ബിവറേജസ് ഷോപ്പിന് മുന്നിൽ നിർത്തിയിട്ടിരുന്ന ലോറിക്ക് പിറകിൽ പാലക്കാട് ഭാഗത്തേക്ക് പോകുകയായിരുന്നു സ്‌കൂ‌ട്ടർ ഇടിക്കുകയായിരുന്നു.
അപകടത്തിൽ ഗുരുതര പരിക്കേറ്റ കുട്ടിയുടെ പിതാവ് അനീഷിന്റെ സഹോദരൻ ഷിനു (32) വിനെ തൃശൂർ മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. ദേശീയപാതയിൽ അനധികൃതമായി വാഹനങ്ങൾ പാർക്ക് ചെയ്യുന്നത് നിയന്ത്രിക്കണമെന്ന് നാട്ടുകാർ ആവശ്യപ്പെട്ടു.