താമരശ്ശേരി : വൈദ്യുതി നിയമഭേദഗതി പിൻവലിക്കണമെന്നാവശ്യപ്പെട്ട് കൊണ്ട് NCCOEEE (നാഷണൽ കോ ഓർഡിനേഷൻ കമ്മറ്റി ഓഫ് എംപ്ലോയീസ് & എഞ്ചിനീയേഴ്സ്) യുടെ ആഭിമുഖ്യത്തിൽ താമരശ്ശേരിയിൽ പ്രകടനവും ധർണ്ണയും നടത്തി.
ധർണ്ണ CITU ഏരിയാ സെക്രട്ടറി ശ്രീ ടി സി വാസു ഉദ്ഘാടനം ചെയ്തു.
KSEB വർക്കേഴ്സ് അസോസിയേഷൻ സംസ്ഥാന ജോയന്റ് സെക്രട്ടറി എം എം അക്ബർ വിശദീകരണ പ്രസംഗം നടത്തി . വിവിധ വർഗ്ഗ ബഹുജന സംഘടനകളെ പ്രതിനിധീകരിച്ചു കൊണ്ട് എൻ കെ സുരേഷ് (CITU), ഉല്ലാസ് കുമാർ (AlTUC), അബ്ബാസ് എ കെ (STU), കെ ജി വിജയൻ ( വയർമെൻ അസോസിയേഷൻ) , ബി ആർ ബെന്നി (മോട്ടോർ തൊഴിലാളി യൂണിയൻ - CITU) തുടങ്ങിയവർ സംസാരിച്ചു. ധർണ്ണയോടനുബന്ധിച്ച് നടത്തിയ പ്രകടനത്തിന് സിവിൽ സ്റ്റേഷന് സമീപം NGO യൂനിയൻ പ്രവർത്തകർ അഭിവാദ്യം ചെയ്തു. എ. സജിത് കുമാർ അദ്ധ്യക്ഷം വഹിച്ച ചടങ്ങിൽ ശ്രീ ഷിബു സ്വാഗതവും ശ്രീ സിദ്ദിഖ് നന്ദിയും പറഞ്ഞു.