മലപ്പുറം: മലപ്പുറം വേങ്ങരയിൽ പതിനഞ്ചുവയസ്സുകാരൻ കുളത്തിൽ മുങ്ങിമരിച്ചു. ചെട്ടിപ്പടി സ്വദേശി പുഴക്കലകത്ത് സൈദലവിയുടെ മകൻ ഷാൻ ആണ് മരിച്ചത്. വേങ്ങര കിളനക്കോട്ടെ ഏക്കർ കുളത്തിൽ കുളിക്കുന്നതിനിടെയാണ് അപകടം ഉണ്ടായത്. കുളം നീന്തിക്കയറുന്നതിനിടെ കുഴഞ്ഞു പോവുകയും മുങ്ങി മരിക്കുകയായിരുന്നു. നാട്ടുകാരും ഫയർഫോഴ്സ് ഉദ്യോഗസ്ഥരും ചേർന്ന് നടത്തിയ തിരച്ചിലാണ് മൃതദേഹം കണ്ടെത്തിയത്.
