ജനിച്ച മണ്ണിൽ ശ്വാസം മുട്ടാതെ ജീവിക്കാനുള്ള അവകാശത്തിനായി താമരശ്ശേരിയിൽ മഹാറാലി നടത്തി

ഫ്രഷ്ക്കട്ട് ഫാക്ടറിയിൽ നിന്നും പുറത്തു വരുന്ന ദുർഗന്ധത്തിൽ വീർപ്പുമുട്ടി ജീവിക്കുന്ന ജനകീയ സമരത്തിന് ഐക്യദാർഢ്യം പ്രഖ്യാപിച്ച് താമരശ്ശേരിയിൽ സമര സഹായസമിതി കൂറ്റൻ റാലി നടത്തി.

 

കഴിഞ്ഞ 6 വർഷത്തിലേറെയായി താമരശ്ശേരി  അമ്പായതോടിന് സമീപം ഇറച്ചിപ്പാറയിൽ പ്രവർത്തിക്കുന്ന ഫ്രഷ് കട്ട് എന്ന കോഴി അറവു മാലിന്യ സംസകരണ കേന്ദ്രം മൂലം ആയിരകണക്കിന് ജനങ്ങളുടെ സ്വസ്ഥജീവിതം തകർന്നിരിക്കുകയാണ് .കമ്പനി പരിസരത്ത് ജീവിക്കുന്ന നൂറ് കണക്കിന് കുടുംബങ്ങളിലെ വിദ്യാർത്ഥികൾക്ക് പഠിക്കാനോ ,കിടപ്പ് രോഗികൾ ഉൾപ്പടെ വിശ്രമജീവിതം നയിക്കുന്നവർക്ക് ശുദ്ധവായു ശ്വസിക്കാനോ ,പാചകം ചെയ്ത ഭക്ഷണം പോലും കഴിക്കാനോ രൂക്ഷമായ ദുർഗന്ധം മൂലം കഴിയാറില്ല. അസഹനീയമായ ദുർഗന്ധം മൂലം സ്ഥലം വിൽപന നടത്താനോ , പ്രദേശത്തെ ചെറുപ്പകാരുടെ വിവാഹം പോലും നടത്താൻ പറ്റാത്ത സാഹചര്യമാണുള്ളത് .

കമ്പിനിയിൽ നിന്നുള്ള മലിനീകരണം മൂലം നല്ല നിലയിൽ പ്രവർത്തിക്കുന്ന കൂടത്തായ് സെൻ്റ് മേരീസ് ഹയർ സെക്കണ്ടറി സ്കൂൾ ഉൾപ്പടെയുള്ള വിദ്യാഭ്യാസ സ്ഥാപനങ്ങളിലെ പഠനത്തെയും കാര്യമായി ബാധിക്കാറുണ്ട് .പ്രാർത്ഥനാലയങ്ങളിൽ പ്രാർത്ഥനക്കെത്തുന്നവർ പോലും ഏറെ ബുദ്ധിമുട്ടുകയാണ്. ഏതാനും ചില ആളുകളുടെ അമിതലാഭക്കൊതി മൂലം ഒരു പ്രദേശമാകെ ഭുരിതമനുഭവിക്കുന്ന അവസ്ഥക്ക് മാറ്റം വന്നേ മതിയാവൂ ,കഴിഞ്ഞ 6 വർഷം സമരം ചെയ്തിട്ടും ഉദ്യോഗസ്ഥരും - ജില്ലാ ഭരണകൂടവും  ജനപ്രതിനിധികൾ ഉൾപ്പടെ നൽകിയ ഉറപ്പുകൾ പാലിക്കാതെ  ജനങ്ങളെ വെല്ലുവിളിച്ച് നടത്തുന്ന ഫാക്ടറിയുടെ പ്രവർത്തനം  നിർത്തിവെക്കണമെന്നാവശ്യപ്പെട്ടും ,സമരസമിതിക്ക് ഐക്യദാർഢ്യം പ്രഖ്യാപിച്ചുമാണ് റാലി നടത്തിയത്.

 

താമരശ്ശേരി പഴയ ബസ്റ്റാൻഡ് പരിസരത്ത് നടന്ന പൊതു സമ്മേളനത്തിൽ സമരസഹായ സമിതി ചെയർമാൻ ഗിരീഷ് ജോൺ അധ്യക്ഷത വഹിച്ചു.ജനറൽ കൺവീനർ നാസർ ഫൈസി കൂടത്തായി സ്വാഗതവും കെ.പി സദാശിവൻ നന്ദിയും പറഞ്ഞു.മുസ്ലിംലീഗ് സംസ്ഥാന സെക്രട്ടറിയേറ്റ് മെമ്പർ വി. എം ഉമ്മർ മാസ്റ്റർ,

കെ ബാബു (സി.പി.ഐ.എം) എ.അരവിന്ദൻ ( കോൺഗ്രസ് )ഗിരീഷ് തേവള്ളി (ബി.ജെ.പി)ടി. എം പൗലോസ് (സിപിഐ)ജബീന ഇർഷാദ് (വെൽഫെയർ പാർട്ടി ) ഫാ .ബിബിൻ ജോസ്, ഫാ. സിബി പൊൻപാറ, ഒ.പി. അബ്ദുറഹിമാൻ, സിദ്ധീഖ്, പി.സി. മോയിൻകുട്ടി, തമ്പി പറക്കണ്ടം,പി.സി. അഷ്റഫ്, അമീർ മുഹമ്മദ് ഷാജി, ബോസ് ജേക്കബ് പ്രസംഗിച്ചു.

                  പി ഗിരീഷ് കുമാർ,ടി കെ അരവിന്ദാക്ഷൻ,കെ. വി മുഹമ്മദ്,ഗഫൂർ കൂടത്തായി,സന്ദീപ് മാടത്തിൽ,തുടങ്ങിയവർ നേതൃത്വം നൽകി .