സംഘര്ഷത്തിനിടെ അമ്മാവൻ വര്ഗീസിനും കുത്തേറ്റിട്ടുണ്ട്. ഇദ്ദേഹം ചികിത്സയിലാണ്. ഇന്നലെ രാത്രി 11 മണിയോടെയാണ് സംഭവം. ഷാനുവിന്റെ വിവാഹവാര്ഷികമായിരുന്നു ഇന്നലെ. ഇതേതുടര്ന്ന് മദ്യപാന സദസുകൾ ഉണ്ടായിരുന്നുവെന്നാണ് പറയപ്പെടുന്നത്. ആഘോഷ പരിപാടികൾക്ക് ശേഷം ഷാനുവും ഭാര്യയും തമ്മിൽ വാക്കേറ്റമുണ്ടായി. ഇത് ഷാനുവിന്റെ അമ്മയും അമ്മാവനും ചേര്ന്ന് നിയന്ത്രിക്കാൻ ശ്രമിച്ചു. ഇതിനിടെ വര്ഗീസിനെ കത്തി കൊണ്ട് കുത്തി. ബഹളം കേട്ടെത്തിയ എബ്രഹാം ഷാനുവിനെ പിടിച്ചുമാറ്റാൻ നോക്കി. ഈ സമയത്ത് കസേരയെടുത്ത് ഷാനു പിതാവിന്റെ തലക്കടിച്ച് വീഴ്ത്തുകയായിരുന്നു. ഉടൻ തന്നെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. മൃതദേഹം കാരക്കോണം ആശുപത്രിയിലേക്ക് മാറ്റിയിട്ടുണ്ട്.