ചക്കുവള്ളി - പുതിയകാവ് പ്രധാന പാതയിൽ തൊടിയൂർ പാലത്തിന് സമീപം വൈകിട്ട് 5 മണിയോടെയായിരുന്നു അപകടം. മൂന്ന് ബൈക്കുകളിലായി എത്തിയ അരവിന്ദും സുഹൃത്തുക്കളും റോഡിൽ റീൽസ് വീഡിയോ ചിത്രീകരിക്കുന്നതിനിടെ ബൈക്കുകളുടെ ഹാൻഡിലുകൾ തമ്മിൽ കുരുങ്ങി നിയന്ത്രണം വിടുകയായിരുന്നുവെന്ന് പോലീസ് പറഞ്ഞു.
ഒരു ബൈക്ക് മുന്നിലും മറ്റ് രണ്ട് ബൈക്കുകൾ തൊട്ടുപിന്നിൽ സമാന്തരമായും വരുന്ന രീതിയിലാണ് വീഡിയോ ചിത്രീകരിച്ചിരുന്നത്. ഇതിനിടെ പിന്നാലെ വന്ന ബൈക്കുകളുടെ ഹാൻഡിലുകൾ തമ്മിൽ തട്ടുകയും നിയന്ത്രണം നഷ്ടമാവുകയുമായിരുന്നു. നിയന്ത്രണം വിട്ട ഒരു ബൈക്ക് റോഡരികിലെ വൈദ്യുതി പോസ്റ്റിലും,രണ്ടാമത്തെ ബൈക്ക് സമീപത്തെ ടൈൽ കടയുടെ ഗോഡൗണിലേക്കും ഇടിച്ചു കയറി.