കൊച്ചി: കൊച്ചിയില് നടിയെ ആക്രമിച്ച കേസില് റിപ്പോര്ട്ടര് ടിവിയുടെ വാര്ത്തകള് തടയണമെന്ന ആവശ്യത്തില് ദിലീപിന് തിരിച്ചടി. ദിലീപിനെതിരെ രൂക്ഷവിമര്ശനവുമായി ഹൈക്കോടതി രംഗത്തെത്തി. പ്രതിയായ ദിലീപിന്റെ പേര് റിപ്പോര്ട്ട് ചെയ്യുന്നത് എങ്ങനെ കുറ്റകൃത്യമാകുമെന്ന് ഹൈക്കോടതി ചോദിച്ചു.
പ്രതിയുടെ അറസ്റ്റ് റിപ്പോര്ട്ട് ചെയ്യുന്നത് എങ്ങനെ തെറ്റാകും? വിചാരണയുടെ വസ്തുതാപരമായ റിപ്പോര്ട്ടിംഗ് എങ്ങനെ തെറ്റാകും? പ്രതിയുടെ പേര് പറയുന്നതിന് നിയമത്തില് എവിടെയാണ് വിലക്ക് എന്നും ഹൈക്കോടതി ചോദിച്ചു
നിയമത്തില് ഒരിടത്തും ഇതിന് വിലക്കില്ലെന്നും ഹൈക്കോടതി നിരീക്ഷിച്ചു. വിചാരണ ആരംഭിച്ചു, സാക്ഷികളെ വിസ്തരിച്ചു, സാക്ഷികള് കൂറുമാറി ഇത്തരം റിപ്പോര്ട്ടിംഗ് എങ്ങനെ തെറ്റാകുമെന്നും ദിലീപിനോട് ഹൈക്കോടതി ചോദിച്ചു. പ്രതിയുടെ പേര് പറയുന്നതിലൂടെ പരാതിക്കാരിയെ ഈ കേസില് തിരിച്ചറിയാനാവില്ലെന്നും ഹൈക്കോടതി വ്യക്തമാക്കി. അന്വേഷണത്തിന്റെ തല്സ്ഥിതി വിവരം അറിയിക്കാന് സര്ക്കാരിനോട് ഹൈക്കോടതി നിര്ദേശിച്ചു
