മരക്കൊമ്പ് തലയിൽ വീണു; വെള്ളച്ചാട്ടം കാണാനെത്തിയ സ്‌കൂൾ വിദ്യാർത്ഥിനിക്ക് ദാരുണാന്ത്യം : അപകടം വെള്ളച്ചാട്ടത്തിൽ കുളികഴിഞ്ഞ് വാഹനത്തിനടുത്തേക്കു മടങ്ങവെ

കുമളി: മരക്കൊമ്പ് തലയിൽ വീണ് സ്‌കൂൾ വിദ്യാർത്ഥിനിക്ക് അതിദാരുണാന്ത്യം.  തേനി ജില്ലയിലെ കമ്പത്തിനു സമീപമുള്ള ചുരുളി വെള്ളച്ചാട്ടം കാണാനെത്തിയ പത്താംക്ലാസ് വിദ്യാർത്ഥിനിയാണ് മരക്കൊമ്പ് തലയിൽവീണു മരിച്ചത്.

 ചെന്നൈ സ്വദേശിനി ബെമിന (15) ആണ് മരിച്ചത്. വീട്ടുകാർക്കും ബന്ധുക്കൾക്കുമൊപ്പം വെള്ളച്ചാട്ടത്തിൽ കുളികഴിഞ്ഞ് വാഹനത്തിനടുത്തേക്കു മടങ്ങുന്നതിനിടെയാണു മരക്കൊമ്പ് ബെമിനയുടെ തലയിലേക്ക് ഒടിഞ്ഞുവീണത്. തലയ്ക്കു സാരമായി പരുക്കേറ്റ കുട്ടി സംഭവസ്ഥലത്തു തന്നെ മരിച്ചു.