വീടിന്റെ താഴെ നില ക്ലബ് ആയി പ്രവര്‍ത്തിച്ചു വരികയായിരുന്നുവെന്ന് പൊലീസ് പറഞ്ഞു. ശീതീകരിച്ച മുറിയില്‍ ഹുക്ക, കാരം ബോര്‍ഡ്, ടി.വി തുടങ്ങിയ സംവിധാനങ്ങള്‍ ഒരുക്കിയിട്ടുണ്ട്. മുകള്‍ നിലയില്‍ വിശ്രമത്തിനുള്ള സൗകര്യവും ഒരുക്കിയിരുന്നതായി പൊലീസ് പറഞ്ഞു. ഇവിടെ കോളേജ് വിദ്യാര്‍ത്ഥികളും മറ്റും വരാറുണ്ടെന്ന് പിടിയിലായവര്‍ മൊഴി നല്‍കിയിട്ടുണ്ട്. 14 ഗ്രാമോളം കഞ്ചാവ് ഇവരില്‍ നിന്ന് കണ്ടെടുത്തു. കുന്നമംഗലം എസ്‌ഐ നിതിന്‍, സീനിയര്‍ സിവില്‍ പൊലീസ് ഓഫീസര്‍മാരായ അജീഷ്, ജിനചന്ദ്രന്‍, വിപിന്‍, അരുണ്‍ തുടങ്ങിയവര്‍ ഉള്‍പ്പെട്ട സംഘമാണ് പ്രതികളെ അറസ്റ്റ് ചെയ്തത്.