താമരശ്ശേരി: പൂനൂർ പുഴയിൽ വിദ്യാർത്ഥി മുങ്ങി മരിച്ചു.
പൂനൂർ മൊകായി ഭാഗത്താണ് വിദ്യാർത്ഥി വെള്ളത്തിൽ മുങ്ങി പോയത്.കോട്ടക്കുന്ന് സാലിയുടെ മകൻ ആദിൽ(11) ആണ് മരിച്ചത്.കൂട്ടുകാർക്കൊപ്പം പുഴയിൽ കുളിക്കാനായി എത്തിയതായിരുന്നു. ഒഴുക്കിൽപ്പെട്ട കുട്ടിയെ രക്ഷിക്കാനായില്ല. വൈകീട്ടായിരുന്നു അപകടം.
പുഴയുടെ സമീപത്തെ ഗ്രൗണ്ടിൽ ഫുട്ബോൾ കളിക്കാനായിട്ടാണ് കൂട്ടുകാർക്കൊപ്പം ആദിൽ എത്തിയത്, പിന്നീട് പുഴയിൽ കുളിക്കാൻ ഇറങ്ങിയപ്പോഴാണ് അപകടം.ബഹളം കേട്ട് ഓടിയെത്തിയ നാട്ടുകാരാണ് കരക്കെത്തിച്ചത്.