ശനിയാഴ്ച ഏഴരയോടെയാണ് സംഭവം നടന്നത്. മൂന്നു പേരെയും അയൽവാസിയായ മലച്ചാൽ പറമ്പത്ത് ഷനൂജാണ് കത്തി കൊണ്ട് കുത്തി പരുക്കേൽപിച്ചത്. വയറിലും നെഞ്ചിലുമാണ് മൂന്നുപേർക്കും കുത്തേറ്റത്. ചന്ദ്രന് കാലിലും പരുക്കുണ്ട്. ആക്രമണത്തിൽ ശശിക്കേറ്റ പരുക്ക് ഗുരുതരമാണ്.
കുത്തേറ്റ ശശിയെയും ചന്ദ്രനെയും കോഴിക്കോട് സ്വകാര്യ ആശുപത്രിയിലും രമേശനെ മുടക്കല്ലൂർ എംസിസിയിലും പ്രവേശിപ്പിച്ചു. വടകര പൊലീസ് സ്ഥലത്തെത്തി. അക്രമിയായ ഷനൂജിനെ വടകര പൊലീസ് കസ്റ്റഡിയിലെടുത്തിട്ടുണ്ട്. അക്രമണത്തിന് കാരണം എന്തെന്ന് വ്യക്തമല്ല